ဗေဒင်အချုပ်မဟာဘုတ်(နိဒါန်း)။
.........................
( ဆရာရေးတဲ့ ဆောင်းပါးတွေလည်းဖတ်ရတာများနေပြီဖြစ်သလို လူခြင်းတွေ့ပြီးပညာအကြောင်းတွေပြောလာကြတာလည်း နှစ်ပေါင်းကြာ လာပြီ။ ဗေဒင်ပညာနဲ့ပတ်သက်လို့ ပစ္စည်းပျောက်ဟောတဲ့အကြောင်းဆောင်းပါးသိပ်မတွေ့ရသလိုပြောလည်းမပြောဖြစ်ခဲ့ဘူး။ခုမှသတိရလို့မေးရတာ ပါ။ပစ္စည်းပျောက်ဟောပုံဟောနည်း နည်းစနစ်လေးရှိရင်ပြောပြပါဦး ဆရာ).
ရန်ကင်းမြို့နယ် မိုးကောင်းဘုရားအရှေ့မုခ်။အမှတ်(ခ)ကျွန်ုပ်၏ လူမျိုး ဘာသာ-ရိုးရာ ဓလေ့ ထုံးစံများမပါဘဲ။ဘဝနေနည်းများကိုဟော
ပြောလမ်းညွှန်ရာ၊(ဓါတုနိယာမနှင့် မဟာဘုတ် နဝင်းစီး)ဓါတ်ခန်း အတွင်း မောင်ရာဇာ၏ပစ္စည်းပျောက်ဟောပုံဟော နည်းစနစ်အကြောင်း ပြောပြ ရန်မေးလိုက်သောအသံဖြစ်ပေသည်။
((( ပစ္စည်းပျောက်ဟောပုံဟောနည်း နည်းစနစ်လေးရှိရင်ပြောပြပါလား ဆိုတော့လည်း သိသလောက် မှတ်သလောက်လေး ပြောပြရ သေးတာပေါ့မောင်ရင်....။ပထမဦးဆုံးလူသိများပြီးအသုံးများခဲ့တာက-
(အို-ကြင်-ရာ-ဥဒကေ)--------(ကြာ-ကန်-သူ-ဝနေ)-
(စိတ်-တူ-၏-ဂူပေ)-----------(လှ-ဒီ-သာ-ဂါမေ)-
(-ပျော်-ရွှင်-ရာ-ပဗ္ဗတေ-)-----(သင်-တို့-မောင်-မဂ္ဂေ)-
(တို့-ဆောင်-ပန်း-အာသနေ)-ဆိုတဲ့ပစ္စည်းပျောက်အဟောလင်္ကာလေးဘဲ။
နောက်ထပ်နည်းတွေလည်းပေါမှပေါပါဘဲ။ဒါကလက်ဆန်းနည်းတွေထဲကရိုးရာပုံပြင်တပုဒ်လို မြန်မာလူမျိုးတော်တော်များများနဲ့ ရင်းနှီးပြီးသားဖြစ်နေခဲ့ကြတဲ့ပညာပိုင်းလေးကိုအဓိကပြောပြနေတာပါ။တချိန်က-တာမွေဘက်မှာ-ခွေးလေးဗေဒင်ဆိုတာ လည်းခေတ်စားခဲ့သေးတာဘဲ။ မဟာကာလကြီးဆိုတာလည်း သုံးခဲ့ကြသေးတယ်။ ကြွေနဲ့ဟောတဲ့ ပစ္စည်းပျောက်ဟောပေးတဲ့ ကြွေဗေဒင်။အဌလက်ကိန်း။ နဝလက်ကိန်း။အချိန်တိုင်။ဆိုပြီး သူ့အတိုင်းအတာနဲ့သူ-အသုံးပြုနေတဲ့ ပစ္စည်းပျောက်ဟော တဲ့ပညာရပ်တွေလည်းရှိခဲ့တာဘဲ။)))
( ဒီပညာရပ်တွေ ဟောပြောအသုံးပြုတာ သိပ်မတွေ့ရတာ ဘာကြောင့်လည်းဆရာ)
((( ဒီပညာရပ်တွေသိပ်မတွေ့ရတာကတော့ ပစ္စည်းပျောက်မေးတဲ့သူ(မရှိလို့)-နဲ-လို့နေမှာပေါ့မောင်ရင်။ ပညာရပ်တခုရဲ့သဘောက
လည်းအကြိမ်ကြိမ်အခါခါတွေ့ထိပြီးကိုယ်တွေ့ များလာပြီးကိုယ်ပိုင်အတွေ့အကြုံအတွေးအခေါ်နဲ့မှပိုမိုမှန်ကန်တာများမျိုးဆိုတော့ လက်တွေ့ပိုင်းနဲနေ တော့ပိုင်ပိုင်နိုင်နိုင်ဟောပြောနိုင်တဲ့သူသိပ်မရှိလှဘူး။)))
( ဆရာကိုယ်တိုင်ပစ္စည်းပျောက်အပိုင်းကိုဟောပြောဘူးလား။သီးခြား လေ့လာသင်ယူဘူးလား ဆရာ)
(((( ပစ္စည်းပျောက်အပိုင်းကိုဟောပြောဘူးပါတယ်။ ပစ္စည်းပျောက် ဟောဖို့ရယ်လို့တော့ သီးခြားတော့ သင်ယူထားတာမရှိပါဘူး။ဒါပေမဲ့ စာရေးဆရာဗေဒင်ဆရာတယောက်က စိတ်ကူးယဉ် ဇာတ်လမ်းဆင်ပြီးရေးထာတဲ့(သူခိုး နာမည်ဖေါ်)တဲ့ဗေဒင်ဇာတ်လမ်းလေးကို တကယ့်အ ဖြစ်အပျက်ထင်လို့ ပစ္စည်းပျောက်ဗေဒင်စာအုပ်တော်တော်များများလေ့လာဖြစ်လိုက်သေးတယ်။..နောက်ဆုံး-အတုလဆရာအောင်ရဲ့ ပစ္စည်းပျောက်ရှာ ငါဆရာ..ဆိုတဲ့စာအုပ်ကိုရှာဖွေပြီးလေ့လာမိတော့မှရပ်လိုက်တော့တယ်။)
( အတုလဆရာအောင်ရဲ့ ပစ္စည်းပျောက်ရှာ ငါဆရာ..ဆိုတဲ့စာအုပ်ကိုလေ့လာပြီးတော့မှဘာဖြစ်လို့ရပ်လိုက်တာလည်းဆရာ။)
((( ပစ္စည်းပျောက်ဟောတဲ့ပညာရပ်ကိုလေ့လာတာရပ်လိုက်တဲ့အကြောင်းကတော့ အတုလဆရာအောင်ရဲ့ ပစ္စည်းပျောက်ရှာ ငါဆရာ..ဆိုတဲ့စာအုပ်ရဲ့ အမှာစာကိုဖတ်လိုက်မိတာရယ်။ဆရာကြီးဦးကြာမြင့်ရဲ့ ပစ္စည်းပျောက်အဟောပိုင်းလေ့လာသင်ယူပြီးချိန်မှာ ဆရာကြီးရဲ့ ( ဗေဒင်အချုပ်မဟာဘုတ်အဖွင့်)စာမျက်နှာ(၂၉/၃၀)မှာရေးထားတဲ့အကြောင်းအရာလေးကိုဖတ်လိုက်ရင်မောင်ရင်လည်းစဉ်းစားမိလာမှာပါ။)))
( ဟုတ်လားဆရာ ဆရာကြီး ဦးကြာမြင့်က ဘာတွေရေးထားလို့လည်းဆရာ)
((( ဆရာကြီးရဲ့ ( ဗေဒင်အချုပ်မဟာဘုတ်အဖွင့်)စာမျက်နှာ(၂၉/၃၀)မှာရေးထားတဲ့အကြောင်းအရာက...သင်တန်းမှာသင်တန်းသား တယောက်က(ပစ္စည်းပျောက်မှာ ခိုးတဲ့သူရဲ့( နေ့ )ကိုဖြေလို့ရလား။)...လို့မေးတော့........
...ပစ္စည်းပျောက်ရင် ဘယ်နေ့သားသမီး ခိုးတယ်လို့ မေးရင်ဘယ်လိုဖြေရမှာလဲတဲ့၊ အဲဒါဆိုရင် နေ့မဖြေနဲ့၊အမည်ပါပြောလိုက်ရင်ပိုမ ကောင်းဘူးလား။..ခိုးတဲ့ သူခိုးကို မွေးနေ့ရောနာမည်ရောပြောနိုင်ရင် မြန်မာပြည်သာမဟုတ်ဘူး။ကမ္ဘာပါကြေငြာလိုက်၊သူခိုးတွေအားလုံးကို တာဝန်ယူတယ်လို့။..ဘယ်သူခိုးမှ ခိုးစားလို့မရတော့ဘူး။ နေ့ရော-နာမည်ရော-ဟောနိုင်တဲ့သူရှိခဲ့ရင်လည်းဘဲ။အဲဒီလူထမင်းနပ်မှန်အောင်ရေ ရှည်စား ရဖို့မဖြစ်နိုင်တော့ဘူး။..ဟောကြည့်..အဲဒီအတိုင်း ဘဝတိုတိုနဲ့ ထမင်းနင်ပြီးသေလိမ့်မယ်။
ပစ္စည်းပျောက်တာနေ့တွေ နာမည်တွေ ဘယ်လိုလုပ်ဟောမလဲ။အဲဒီလိုဟောနိုင်ရင် ဂါတ်တွေ၊ထောင်တွေ၊ရဲစခန်းတွေဆန့်ပါဦးမလား။ခုနကလိုအတွင်းလူ မပြင်လူ၊ဒါပဲဟောလို့ရမှာပေါ့။ဟောတဲ့ဆရာတွေဟောတယ်။ဦးကြာမြင့်လည်းဟောခဲ့ပါတယ်။ဒါပေမဲ့အခုတော့မဟောတော့ဘူး။သင်တန်းလည်းမပေးဘူး။ဟောလည်းမဟောဘူး။ပေးလည်းမပေးတော့ဘူး။...အန္တရာယ်ကြီးလို့...ဆရာကိုငြိုးတာကိစ္စမရှိဘူး။ဆရာ့သားသမီးတွေပါ သေကုန်လိမ့်မယ်။အဓိပ္ပါယ်တွေနားလည်ကြရဲ့လား။
သူကပစ္စည်းပျောက်တာ လေး ငါးဆယ်သိန်းပျောက်တာ။ကိုယ့်ပေးတော့ ငါးဆယ် တရာပေးတာ။သေစရာရှိရင်ကိုယ့်သားသမီးတွေသေမယ်။တစ်မျိုးလုံးသူခိုးတွေကသတ်ပစ်ကြလိမ့်မယ်။ ဟောတော့ဟောကြပေါ့။မင်းတို့သူခိုးသိရမယ်ကွ။အဲဒီသူခိုးကတအိုးစားကွ။တစ်အိမ်ထဲအတူနေတာ။တစ်အိပ်ရာထဲအိပ်တာကွ။ငယ်တယ်ကွ။ကြီးတယ်ကွ။ပြန်စဉ်းစားမင်းတို့သိလိမ့်မယ်။...
ဟုတ်တယ်၊သိပြီ။ သိရင်ပြီးရော သွားတော့။ဘာလဲကွ၊အရှင်းကြီးဘဲဥစ္စာ။အဲဒီအယူအဆမျိုးကို နာမည်တွေ ဘာတွေသွားမလုပ်နဲ့မရဘူး။
ဟုတ်ပြီလား။)...လို့...ဆရာကြီးကရေးထားခဲ့တယ်မောင်ရင်။)))
( ဒါဖြင့်ရင် ဆရာ့အနေနဲ့ ပစ္စည်းပျောက်အဟောမှာဆရာ့စိတ်တိုင်းကျ ဟောခဲ့တာတွေရှိလားဆရာ။မှန်ရောမှန်လား။အကျိုးရော ရှိရဲ့လားဆရာ)
((( ပစ္စည်းပျောက်အဟောပိုင်းမှာ ဆရာ့စိတ်တိုင်းကျ ဟောခဲ့တာတွေရှိတာပေါ့မောင်ရင်။မှန်သင့်သလောက်မှန်ခဲ့သလို မှန်လိုက်တာဆရာ ရယ်ဆိုတာမျိုးတွေလည်းရှိခဲ့ပါတယ်။ နောင်အကြောင်းတိုက်ဆိုင်လာရင် ဒီအကြောင်းဆရာ့ကိုယ်တွေ့တွေနဲ့ ဆရာကြီးဦးကြာမြင့် ပစ္စည်းပျောက်ဟော တာမမှန်လွန်းအားကြီးလို့ ပြသာနာကြုံရ တာလေးတွေကို ပညာရပ်ပိုင်း ဗဟုသုတ အနေနဲ့ရေးပါဦးမယ်။)))။
.........................။..........................။
No comments:
Post a Comment